اهلا بيك في عالمنا...عالم الزتونه

ديرها ببساطه

ايه هي الزتونة؟

الزتونة هو نظام برمجي لادارة نقاط البيع (POS System) سهل جدا و بسيط، هيديلك “الزتونة” عن مشروعك كله، هيخليك متابع البيع و المخازن و حركة فلوسك ثانية بثانية و كمان هيديك تقارير علمية عن ايه اللي بيحصل و ازاي تحسنه.
و كل ده سواء متصل او غير متصل بالنترنت
و على اي جهاز عندك حتي من موبايلك!
صممنا الزتونة عشان يساعد اكتر شريحة مش متقدم لها الدعم التكنولوجي و هي المشاريع الصغيرة والمتوسطة بالذات في القاهرة الكبرى والمناطق اللي حواليها، كنقطة بداية.

منين جت الزيتونة؟

مؤسس الزتونة في اول مشواره ابتدا نفس بدايتك, عارف قد ايه بتعانى عشان توقف مشروعك علي رجله و قد ايه كل مليم بيفرق, قد ايه نفسك في تكنولوجيا الشركات الكبيرة اللي تخليهم يعرفو باعو قد ايه و كسبو قد ايه و ايه المنتجات اللي محتاجين يجيبو منها اكتر و كل ده و هم قاعدين في مكانهم بتقارير علمية مش بالاحساس و لا بدفتر مصاريف اتدلق عليه الشاي اخر الشهر, فاهم ان نفسك تشتري برنامج كدة بس المصاريف مش مساعدة, فقرر بخبرة سنين يعملك الحل المظبوط… علي قد الايد و يوفر عليك السكة عشان تبتدي كبير من يومك!

حلمنا و رؤيتنا

حلمنا الصغير اننا نقدر ننمي سوق المشاريع الصغيرة والمتوسطة من الطريقة البدائية إلى الطريقة الاحترافية عشان تبقى فى نفس مستوى الشركات الكبيرة و عندك نفس الفرصة للتوسع …حلمنا ان عم سعيد البقال يبقي عنده نظام نقاط بيع عارف بيه كل صغيرة و كبيرة في المحل لا حد يستغفله ولا صبي يضحك عليه …حلمنا ان كشك السعادة يبقي عنده الزتونة ..و في ظرف سنة يبقى سلسلة أكشاك ولا سوبر ماركت! نفسنا الكل يبقي عنده الزتونة لأ و كمان بعد فترة نقدر نفتح للسوق الفرصة للتجارة الاكترونية, و كل مشروع مش يبقي عنده محله اللي عالارض بس ..لأ و كمان محله عالانترنت! …حلو صح؟ يلا ابتدي معانا الزيتونة!

رسالتنا

حلمنا اللي بجد اننا نساعد اكتر منطقة محتاجة مساعدات للتطوير ..مش بس مصر..في كل مكان ! كل جهود التكنولوجيا بتتركز للشركات الكبيرة …بس احنا حلمنا نديها للي محتاجها بجد …و لان التكنولوجيا من أسرع الوسائل للتنمية, احنا مؤمنين ان عندنا اللي نقدمه عشان نساعدكم!

انت عاوز الزتونه و احنا معانا الزتونة

“الزتونة” بالمصرية العامية يعني “الخلاصة” … زتونة آخر كل يوم و زتونة آخر كل شهر و زتونة آخر كل سنة عن مشروعك … عشان تبقي علي دراية كاملة بكل حاجة بتحصل و تقدر تاخذ القرارات السليمة !
شجر الزيتون من أكثر الأشجار اللي بتنمو في ظروف صعبة من صحراء و قلة موارد (ماء) و لكن رغم كل ده بتطلع الزيتون بفوائد لا تعد و لا تحصي, احنا كمان بنؤمن انك زي شجر الزيتون بتحاول تكبر مشروعك في ظروف صعبة جدا و قلة موارد و عشان كدة احنا مؤمنين بنجاحك و يشرفنا نساعدك توصله ونقدم لك نظام يقلل صعوبة الظروف و يديك رؤية أوضح بمعلومات و تقارير دورية.

فريقنا

احنا مؤمنين بأن أي عضو جديد فى فريقنا يجب ان يتم اختياره بعنايه، لأن كل موظف جديد ليه تأثير كبير على شركتنا.
وعشان كده احنا بنينا فريق قوي متعاون ، متنوع في الأفكار والعقليات ، يؤدون عملهم بشغف وحب.
نبحث عن كل ابتكار جديد من أجل تطوير منتجنا خصيصا لك.

شركاء النجاح

هدفنا نزود لك ارباحك بكل الميزات القوية المتوفرة فى برنامجنا ،اللي تعتبر أرخص نسبيا من برامج المبيعات الأخرى، لاننا عاوزين نبني شراكة دائمة مع بعض، و طول ما تجارتك بتكسب وتكبر طول ما انت مستمر معانا!

يلا نبدأ مع بعض حلمنا شريكك يناديك! اطلب تجربة الآن!